Na trasie pad Minskam kiroŭca źbiŭ maładoha tryjatłanista i ŭciok, pakinuŭšy chłopca pamirać
Trahiedyja zdaryłasia ŭ piatnicu, 8 žniŭnia, na trasie M2 (Minsk — Nacyjanalny aeraport Minsk), pablizu Karalova Stana, piša Onliner.by.
Lehkavik źbiŭ viełasipiedysta. Miarkujučy pa fota, u aŭtamabila paškodžany dach i raźbita łabavoje škło — vidać, tudy pryjšoŭsia ŭdar. Rovar pałamany.
Jak stała viadoma, kiroŭca skruciŭ numary sa svajho aŭto i ŭciok, navat nie vyklikaŭšy chutkuju dapamohu.
Urešcie ravarysty zabrali chłopca ź miesca avaryi, ale vyratavać nie zmahli.
Akaličnaści zdareńnia pakul nie vyśvietlenyja. Ale na M2 jość šyrokaja ŭzbočyna, pa jakoj, pavodle patrabavańniaŭ PDR, ravarystam dazvolena ruchacca, a aŭtamabilam — nie.
Učora aficyjny kanał Biełaruskaj fiederacyi tryjatłona apublikavaŭ navinu pra hibiel maładoha spartoŭca Cichana Sinieviča.
— Trahiedyja adbyłasia 8 žniŭnia, u piatnicu, padčas viełatreniroŭki. Miedyki zmahalisia za jahonaje žyćcio, ale, na žal, vyratavać Cichana nie ŭdałosia, — havorycca ŭ paviedamleńni.