Mužčyna i dziaŭčyna ź Minska na jachcie z 17-hadovym styrnavym pierakulilisia na voziery ŭ Brasłavie — vyratavali ŭsich traich
U Brasłavie na voziery Dryviaty ŭdzień 10 žniŭnia pierakuliłasia prahułačnaja jachta, na jakoj 17-hadovy chłopiec kataŭ 36-hadovaha minčuka i jaho 32-hadovuju siabroŭku. Rabotniki ratavalnaj stancyi Tavarystva vyratavańnia na vodach dastavili na bierah i ludziej, i jachtu.
Načalnik Brasłaŭskaj ratavalnaj stancyi rajonnaj arhanizacyi Tavarystva vyratavańnia na vodach Andrej Achramovič raskazaŭ Kraj.by:
— Jachta z tryma čałaviekami na borcie ŭdzień 10 žniŭnia vyjšła na voziera Dryviaty ŭ Brasłavie. A 15:40 naš vartavy zaŭvažyŭ, što sudna pierakuliłasia. My adrazu nakiravalisia da miesca zdareńnia. Heta adbyłosia prykładna za paŭtary kiłamietry ad bieraha. Hłybinia tam — paradku 8—10 mietraŭ. Spačatku padniali na bort paciarpiełych i dastavili ich na bierah. Potym viarnulisia da jachty, nyrnuli, adčapili ad jaje vietrazi, pierakulili i taksama adbuksiravali da bieraha. Usie troje adčuvali siabie narmalna i ad miedycynskaj dapamohi admovilisia.