Ukrainskija vajskoŭcy vyzvalili siało ŭ Sumskaj vobłaści, jakoje miesiac było pad akupacyjaj
Niekalki čałaviek, jakija zastavalisia žyć u Biazsałaŭcy, admaŭlalisia evakujavacca.
Skrynšot: deepstatemap.live
Ukrainskija vajskoŭcy vyzvalili z-pad rasijskaj akupacyi siało Biazsałaŭka ŭ Sumskaj vobłaści. Pra heta paviedamlaje Hienštab USU.
Da apieracyi byli pryciahnutyja padraździaleńni 33-ha asobnaha šturmavoha pałka i 24-ha asobnaha šturmavoha bataljona. Padčas bajoŭ byli zabityja 18 rasijskich sałdat.
Rasiejcy ŭvajšli ŭ siało 7 lipienia 2025 hoda — miesiac jano było pad akupacyjaj.
Kiraŭnik Biełapolskaj abščyny Juryj Zarko ŭ kamientary ŚMI paviedamlaŭ, što ŭ Biazsałaŭcy zastavalisia niekalki čałaviek, piša RBK-Ukraina. Jany admovilisia evakujavacca. Ź jahonych słoŭ, suviazi z žycharami Biazsałaŭki niama, mabilnyja sietki tam nie pracujuć.
Apošnija miesiacy rasiejcy ŭzmacnili nastupalnyja dziejańni na miažy Sumskaj vobłaści. Jany chočuć stvaryć tak zvanuju «bufiernuju zonu» ŭ pamiežnych rajonach Ukrainy.