U Ašmianskim rajonie zatrymali złodzieja, jaki kraŭ kryžy i aharodžy z mohiłak
Milicyja zatrymała žychara Ašmianskaha rajona, jaki arhanizavaŭ amaralny, ale prybytkovy «biznes» — kraŭ mietaličnyja kryžy, aharodžy i łancuhi z mohiłak, a potym zdavaŭ ich na mietałałom. Ahulnaja vaha vykradzienaha składaje nie mienš za 15 ton.
Jak paviedamlaje UUS Hrodzienskaha abłvykankama, 40-hadovy mužčyna kinuŭ asnoŭnuju pracu i pačaŭ zarablać na kradziažach z pachavańniaŭ. Jon vybiraŭ pieravažna zakinutyja i zaniadbanyja mahiły, raźličvajučy, što tam źnikłyja elemienty nichto nie zaŭvažyć abo nie zajavić pra heta.
Złačynca dziejničaŭ u čatyroch rajonach: Smarhonskim, Astravieckim, Ašmianskim i Maładziečanskim. Jaho zatrymali adrazu paśla čarhovaha kradziažu dziakujučy apieratyŭnym dziejańniam supracoŭnikaŭ kryminalnaha vyšuku.
Złačynstva raskryłasia paśla taho, jak u Astraviecki RAUS źviarnuŭsia mužčyna, jaki paviedamiŭ pra źniknieńnie dvuch mietaličnych kryžoŭ z mahiły svajakoŭ. Heta i stała pačatkam rasśledavańnia.
Ciapier suprać zatrymanaha raspačali kryminalnuju spravu.
Čytajcie taksama:
U Homieli mužčyna dvojčy znajšoŭ adzin i toj ža kašalok, ale akazaŭsia złodziejem
Złodziej u Śvietłahorskim rajonie vynies z chaty knihi i budzilnik
Zdymaŭ usio, što bliščyć: u Minsku zatrymany sieryjny aŭtazłodziej