U Bośnii i Hiercahaviny spynili paŭnamoctvy Dodzika
U Respublicy Sierbskaj buduć pryznačanyja pazačarhovyja vybary.
Miłarad Dodzik. Fota: BiełTA
CVK Bośnii i Hiercahaviny spyniŭ paŭnamoctvy prezidenta Respubliki Sierbskaj Miłarada Dodzika. Pra heta paviedamlajecca na sajcie Centralnaj vybarčaj kamisii krainy.
Na praciahu dvuch dzion rašeńnie moža być abskardžana. Paśla jaho ŭstupleńnia ŭ siłu ŭ Respublicy Sierbskaj buduć pryznačanyja pazačarhovyja vybary, paviedamlaje «Nastojaŝieje vriemia».
U lutym 2025 hoda Miłarad Dodzik byŭ prysudžany sudom Bośnii i Hiercahaviny da adnaho hoda pazbaŭleńnia voli pa spravie ab ihnaravańni rašeńniaŭ pradstaŭnika AAN. Palityka abvinavačvali ŭ tym, što ŭ 2023 hodzie jon padpisaŭ zakony, jakija prypyniali dziejańnie rašeńniaŭ Kanstytucyjnaha suda Bośnii i Hiercahaviny i Vysokaha pradstaŭnika AAN pa Bośnii i Hiercahavinie Kryścijana Šmita.