«Paspalitaje rušeńnie» Siarhieja Bulby zharnuła dziejnaść
Pra stvareńnie ruchu ŭ vieraśni 2022 hoda abviaściŭ Valer Sachaščyk.
Siarhiej Bulba
Inicyjatyva «Paspalitaje rušeńnie» zhortvaje dziejnaść, pra heta jana paviedamiła ŭ svaim telehram-kanale.
«Majem dla vas važnyja naviny: arhanizacyja Paspalitaje rušeńnie prypyniaje svaju dziejnaść i paviedamlaje ab zakryćci. Za hady isnavańnia Paspalitaha rušeńnia my, jaho čalcy, praviali vialikuju kolkaść mierapryjemstvaŭ militarnaha i kalamilitarnaha charaktaru. Akramia hetaha, my ładzili raznastajnyja patryjatyčnyja akcyi, dapamahali biełaruskim dyjasparam u roznych haradach zamiežža. Adnak samaje hałoŭnaje — my stvaryli supolnaść ludziej, što daviarajuć adzin adnomu, jakija hatovy dapamahčy, padtrymać, majučych ćviorduju pazicyju», — havorycca ŭ paviedamleńni.
Pra stvareńnie «Paspalitaha rušeńnia» ŭ vieraśni 2022 hoda abviaściŭ Valer Sachaščyk, na toj čas «ministr abarony» ŭ Kabiniecie Cichanoŭskaj. U siaredzinie 2024 hoda inicyjatyvu uznačaliŭ Siarhiej Bulba.