Za paŭhoda kolkaść bankaŭskich kartak u Biełarusi pavialičyłasia na 350 tysiač

U Biełarusi zafiksavali rekordnuju kolkaść bankaŭskich płaciežnych kartak — na 1 lipienia 2025 hoda ich naličvałasia 19 719 220. Heta vynikaje sa statystyčnaha biuletenia Nacbanka, piša Office Life.

Fota ilustracyjnaje

Za pieršaje paŭhodździe kolkaść kartak vyrasła na 349 tysiač, a za hod — bolš čym na 420 tysiač. Tolki ŭ druhim kvartale dadałosia bolš za 236 tysiač novych kartak.

Pry hetym raście i kolkaść arhanizacyj, što absłuhoŭvajuć uładalnikaŭ kartak: za paŭhoda ich stała bolš na 37,6 tysiačy. Adnak infrastruktura pastupova skaračajecca. Kolkaść bankamataŭ źmienšyłasia z 4215 da 4138, punktaŭ vydačy najaŭnych — z 2456 da 2133, a infakijoskaŭ — z 1750 da 1660.

Adnačasova z hetym praciahvaje raści kolkaść apieracyj z vykarystańniem kartak. Za pieršy kvartał 2025 hoda biełarusy raspłacilisia na 48 miljardaŭ rubloŭ (u paraŭnańni z 39,6 miljarda ŭ anałahičny pieryjad 2024 hoda), a za druhi — užo amal na 52 miljardaŭ rubloŭ suprać 43 miljardaŭ letaś.

Kamientary da artykuła