«Na plačach maječka Mark Formelle». Hurt Leibonik vypuściŭ novy albom

I prezientavaŭ jašče adzin klip.

Vokładka alboma TUPESNI

Hurt Leibonik vypuściŭ novy albom TUPESNI. U im 13 piesień.

«Kali albom TAM byŭ času-centryčny z fokusam na apošnim hodzie, to TUPESNI — dajdžest bolš praciahłaha času, — piša pra novy albom lidar hurta Siarhiej Bašłykievič. —

Pa-pieršaje, heta sproba razabracca: dyk jakuju muzyku my ihrajem? Nie razabralisia. Ihrajem usio.

Heta sproba pahladzieć na siabie praz teksty roznych časoŭ — z asensavańniem svaich fiksacyj na temach, jakija varta adpuścić. I praŭda — chare pra taksičnuju pazityŭnaść, piramidu Masłoŭ, Zybu ci parafrazy Volskaha. Ličym, što tut ja heta zaŭvažaju, prymaju i adpuskaju z pačućciom «tema sisiek raskryta».

Pryjemna adpuścić tyja teksty ź niedaskanałaściu, nie sprabujučy fiksić drobiazi, zachoŭvajučy žyvyja šurpataści jak mientalny zdymak siabie.

Adpuścić jak jość — kab nie zajmała hałavu i vyzvaliła prastoru novamu.

I leta, i žyćcio — minie. Žyviem zaraz.

Pry hetym bajusia stać nastalhičnym piardunom, tamu mnie važna padkreślić susiedstva tut starych temaŭ (MARK FARMEL) i pošukaŭ siabie sučasnaha (MINE).

Heta sproba dazvolić sabie być prostym — DOM».

«Kali ščyra: ja daŭ mastackich pierabolšvańniaŭ u radkach «staju adzin na 3 (sacyjalnym) łevele Masłoŭ». TUPESNI dapamahajuć mnie pierakryć unutranuju samotu čotkim padžopnikam: joma, dyk nie adzin ža!» — dadaje Bašłykievič.

Albom dastupny na Spotify, YouTube Music i Soundcloud.

Hurt apublikavaŭ taksama klip na pieśniu «Mark Farmel».

Kadr z klipa MARK FARMEL

Tam jość iraničnyja radki:

«Na plačach maječka «Mark Farmel»,
Elehantna izbaŭlajuś ad sapiel.
Na nahach tufli «Marka»,
Nie chadzi ty, małacholny, kala lesaparka».

Kamientary da artykuła