Bojfrend Aryny Sabalenki staŭ saŭładalnikam francuzskaha futbolnaha kłuba
Siarod saŭładalnikaŭ taksama zorka tenisu Novak Džokavič.
Franhulis i Sabalenka. Fota: sacyjalnyja sietki Hieorhijasa Franhulisa
Prezident «Le-Mana» Ćjery Homies paviedamiŭ pra maštabnaje ŭkładańnie hrošaj u kłub.
«Ja rady abviaścić pra źjaŭleńnie novaha finansavaha partniora: OutField, lidara spartyŭnych inviestycyj u Łacinskaj Amierycy, i Hieorhijasa Franhulisa, zasnavalnika i hienieralnaha dyrektara OakBerry. Heta brazilski inviestycyjny fond. Vy viedajecie maju luboŭ da pryhožaj hulni — i chto, jak nie brazilskaja kamanda, simvalizuje ŭ suśvietnym futbole pryhožuju hulniu?
Asablivaść hetaha fondu jašče i ŭ tym, što svoj układ unosiać i spartoŭcy vysokaha ŭzroŭniu. Tak, Novak Džokavič, aŭtahonščynki Fielipe Masa i Kievin Mahnusen stanuć častkaj hetaj pryhody», — paviedamiŭ Ćjery Homies.
Zaznačym, što zasnavalnik i hienieralny dyrektar OakBerry Hieorhijas Franhulis — małady čałaviek pieršaj rakietki śvietu Aryny Sabalenki. Jany stali sustrakacca hod tamu i ŭvieś volny čas baviać razam.
Fota: FK «Le-Man»
«Le-Man» — francuzski kłub z adnajmiennaha horada, stvorany ŭ 1985 hodzie. U minułym hodzie zaniaŭ 2-je miesca ŭ trecim dyvizijonie i vyjšaŭ u Lihu 2. Na hety siezon — zadača vyjści ŭ vyšejšy dyvizijon.
Čytajcie taksama:
Žonka novaha bojfrenda Aryny Sabalenki padała na razvod
Novy bojfrend Aryny Sabalenki apublikavaŭ miłyja fotki ź biełaruskaj tenisistkaj
Aryna Sabalenka abviaściła pra chutkaje zaviaršeńnie karjery i stvareńnie siamji
Aryna Sabalenka pakazała, jak hatavała svajmu brazilskamu bojfrendu draniki