Litva nakiravała Biełarusi notu pratestu z-za incydentu z dronam
Litva nakiravała Biełarusi notu rašučaha pratestu z-za incydentu ź bieśpiłotnikam, jaki 28 lipienia ŭvajšoŭ u pavietranuju prastoru Litvy i byŭ zaŭvažany žycharami Vilni.
Znojdzieny na palihonie ŭ Hajžunach dron. Fota z fejsbuka ministarki abarony Litvy Davile Šakalenie
Litoŭskija śpiecsłužby niekalki dzion šukali abłomki bieśpiłotnika na poŭnačy i paŭnočnym zachadzie ad stalicy. 1 žniŭnia jon byŭ znojdzieny na palihonie Hajžuny ŭ Janaŭskim rajonie, niedaloka ad Koŭna.
Litoŭskaja armija apublikavała fota drona i paviedamiła, što pavodle papiarednich źviestak heta dron typu «Hierbiera», ale patrebna dadatkovaja pravierka.
Ministerstva zamiežnych spraŭ Litvy patrabuje ad Biełarusi nieadkładnych tłumačeńniaŭ i poŭnaj infarmacyi pra incydent, a taksama harantyj, što takoha bolš nie paŭtorycca. Biełaruski bok pakul aficyjna situacyju nie kamientavaŭ.
Čytajcie taksama:
U Litvie znajšli bieśpiłotnik, što zalacieŭ ź Biełarusi. Voś jak jon vyhladaje
Jak vyhladaje bieśpiłotnik, jaki siońnia znajšli ŭ Litvie FOTA
Jak drony zalatajuć ź Biełarusi ŭ Litvu? U iSANS raskazali, što viadoma
Žychar Vilni śćviaržaje, što źniaŭ paniadziełkavy dron na paŭnočnym zachadzie stalicy