Na miažy zatrymali aktyvista z Rečycy Alesia Zdaraviennava, a ŭ Minsku jahonaha brata Vadzima
Pravaabaroncy atrymali infarmacyju pra toje, što prykładna ź miesiac tamu na miažy pry viartańni z Polščy siłaviki zatrymali aktyvista z Rečycy Alesia Zdaraviennava. Praź niekalki dzion u Minsku byŭ zatrymany i brat Alesia — Vadzim Zdaraviennaŭ, piša «Homielskaja viasna».
Aleś Zdaraviennaŭ
Pryčyny zatrymańniaŭ ciapier vyśviatlajucca. Dzie zaraz utrymlivajuć mužčyn, pakul nieviadoma.
U vieraśni 2020 hoda Alesia Zdaraviennava pryciahvali da administracyjnaj adkaznaści za ŭdzieł u akcyi pratestu. U lutym 2021 hoda rečycki sudździa Vadzim Bobyraŭ aštrafavaŭ jaho na 1160 rubloŭ za vyviešany na padvorku jahonaj pryvatnaj chaty bieł-čyrvona-bieły ściah.
Paśla 2021 hoda Zdaraviennaŭ niekalki razoŭ vyjazdžaŭ za miežy Biełarusi — u Litvu i Polšču. Hetym razam pry viartańni z Polščy, dzie jon pravioŭ niekalki miesiacaŭ, jaho zatrymali.
Pra Vadzima Zdaraviennava viadoma niašmat. Miarkujučy ź jahonych sacyjalnych sietak, jon žyŭ u Minsku i prafiesijna zajmaŭsia fatahrafijaj.
Čytajcie taksama:
Byłuju kandydatku ad partyi Hajdukieviča pasadzili za ŭdzieł u pratestach
U bazie siłavikoŭ «BIESparadki» bolš za 100 tysiač čałaviek
Nastu Łojku pieraviali na paŭhoda ŭ pamiaškańnie kamiernaha typu
Nastu Łojku pieraviali na paŭhoda ŭ pamiaškańnie kamiernaha typu