U Litvie znajšli bieśpiłotnik, što zalacieŭ ź Biełarusi. Voś jak jon vyhladaje
Jaho znajšli na palihonie kala Koŭna.
Fota z fejsbuka ministra abarony Litvy Davile Šakalenie. Pa papiarednich źviestkach heta «Hierbiera»
1 žniŭnia na palihonie Hajžunaj, što znachodzicca ŭ Jonaŭskim rajonie niepadalok ad Koŭna, znojdzieny bieśpiłotny latalny aparat, jaki ŭ pačatku tydnia ŭlacieŭ u Litvu ź Biełarusi, paviedamiła BNS.
Hetuju infarmacyju ŭ piatnicu paćvierdziła ministarka abarony krainy Davile Šakalenie.
Bieśpiłotnik zalacieŭ ranicaj u paniadziełak, pryčym pralacieŭ nad Vilniaj, jaho šukali niekalki dzion.
Kamandarm Litvy Rajmundas Vajkšnoras raniej vykazvaŭ dumku, što bieśpiłotnika nie było.