Śpiecpasłańnik Trampa Uitkaf palacić u Rasiju
Prezident ZŠA zajaviŭ, što jaho śpiecyjalny pasłańnik pa pytańniach Blizkaha Uschodu Styŭ Uitkaf adpravicca ź vizitam u Rasiju. Pra heta jon skazaŭ padčas razmovy z žurnalistami ŭ Biełym domie..
Styŭ Uitkaf. Fota: AP Photo/Alex Brandon
Jak adznačyŭ amierykanski prezident, Uitkaf pajedzie ŭ Rasiju paśla zaviaršeńnia vizitu ŭ Izrail.
«Jon jedzie ŭ Rasiju, viercie ci nie», — skazaŭ Tramp, kali jaho spytali pra ciapierašniuju pajezdku Uitkafa na Blizki Uschod.
Raniej na hetym tydni Tramp zajaviŭ, što ZŠA pačnuć uvodzić pošliny i inšyja miery suprać Rasii praz 10 dzion, kali Maskva nie prademanstruje prahresu ŭ spynieńni vajny va Ukrainie.