U Japonii paśla ziemlatrusu na bierah vykinuła niekalkich kitoŭ VIDEA
U Japonii paśla mahutnaha ziemlatrusu mahnitudaj 8,8, jaki adbyŭsia na susiednim rasijskim paŭvostravie Kamčatka, na bierah u miastečku Tatejama (prefiektura Čyba) vykinuła piać kitoŭ. Hetyja kadry pakazała japonskaje dziaržaŭnaje telebačańnie NHK, i videa chutka razyšłosia pa sacyjalnych sietkach, paviedamlaje Euronews.
Skrynšot ź videa
Miascovyja žychary sprabavali dapamahčy žyviołam, palivajučy ich vadoj, kab jany vyžyli.
Jak tłumačać ekśpierty, u adkrytym mory kity zvyčajna nie adčuvajuć nastupstvaŭ cunami. Ale kali chvali nabližajucca da bieraha, to vada spačatku rezka adychodzić, i heta moža vyklikać vykid žyvioł, što znachodziacca na miełkavodździ, na sušu.
Pryčyny hetaha kankretnaha vypadku da kanca nie vyśvietlenyja. Choć miascovaść nie była niepasredna zakranutaja cunami, niekatoryja krynicy miarkujuć, što pryčynaj zdareńnia moh stać papiaredni tajfun. Adnak supadzieńnie hetych padziej vyklikaje zaniepakojenaść.
Čytajcie taksama:
Chłopiec, jakoha zahłynuŭ kit, raskazaŭ, jak jamu ŭdałosia vyžyć