Uradženiec Biełarusi pamior u ZŠA paśla vyprabavańnia na vynoślivaść
Uradženiec Biełarusi Słava Lejkind pamior u ZŠA paśla ŭdziełu ŭ ekstremalnym spartyŭnym vyprabavańni na vynoślivaść, piša sajt «Biełaruś i mir».
Padčas uzychodžańnia na haru Snoŭ-Kinh. Fota: Facebook
43-hadovy mužčyna ŭdzielničaŭ u marafonie 29029 Everesting, jaki prachodziŭ 26—29 červienia na hary Snoŭ-Kinh u štacie Vajominh. Sutnaść vyprabavańnia — za 36 hadzin treba ŭźniacca na haru stolki razoŭ, kab ahulnaja vyšynia padjomaŭ skłała 29 029 futaŭ — heta vyšynia Evieresta. Dla hetaha treba było zrabić 19 padjomaŭ.
Słava Lejkind pačaŭ vyprabavańnie ranicaj na druhi dzień, ale praz 5,5 hadzin i 6 cykłaŭ padjomu i spusku adčuŭ siabie vielmi kiepska. Jaho evakujavali viertalotam u miedcentr u Ajdacha-Fołs, dzie jon pamior praz 5 dzion — 2 lipienia.
Słava Lejkind naradziŭsia ŭ Minsku ŭ 1982 hodzie, u 1988-m ź siamjoj pierajechaŭ u ZŠA. Tam jon skončyŭ škołu ŭ Minieapalisie, a paźniej — biznes-škołu ŭ Mičyhanie. Pracavaŭ u finansavaj śfiery, byŭ top-mieniedžaram inviestycyjnaj kampanii ŭ Ńju-Jorku. Žyŭ u Kaniektykucie z žonkaj i tryma dziećmi.
Čytajcie taksama:
Bijatłanistka Łaŭra Dalmajer zahinuła ŭ harach Pakistana
U Vjetnamie pierakuliŭsia katar z turystami, bolš za 30 čałaviek zahinuli