Ukraina ŭpieršyniu atrymała azierbajdžanski haz
Testavaja pastaŭka ažyćciaŭlajecca maršrutam Bałharyja — Rumynija — ukrainskaja miaža.
«Ukraina ŭpieršyniu impartuje azierbajdžanski haz Transbałkanskim kalidoram. Zaklučana pieršaja damova na zakup hazu z kampanijaj Hrupy SOCAR — SOCAR Energy Ukraine», — napisaŭ u fejsbuku staršynia praŭleńnia «Naftahaz Ukrainy» Siarhiej Karecki.
Testavaja pastaŭka ažyćciaŭlajecca maršrutam Bałharyja — Rumynija — ukrainskaja miaža.
«Heta nievialiki pa abjomie, ale stratehična važny krok, jaki adkryvaje šlach da doŭhaterminovaha supracoŭnictva. A taksama jašče adzin prykład dyviersifikacyi krynic pastaŭki i ŭmacavańnia enierhietyčnaj biaśpieki Ukrainy», — dadaŭ Siarhiej Karecki, vykazaŭšy ŭpeŭnienaść, kab Ukraina była maksimalna padrychtavanaja da aciaplalnaha siezona.