Rasijski dron atakavaŭ rejsavy aŭtobus u Sumskaj vobłaści. Jość achviary
Zahinuli try čałavieki, kala 20 paciarpieli.
Fota: Sumskaja abłasnaja prakuratura.
Aŭtobus ź mirnymi žycharami, jaki ruchaŭsia pa terytoryi Junakaŭskaj hramady Sumskaha rajona, byŭ atakavany ŭ rajonie siała Ivałžanskaje, paviedamiŭ hłava abłasnoj vajennaj administracyi Aleh Hryharaŭ.
Pavodle dadzienych abłasnoj prakuratury, zahinuli try žančyny va ŭzroście 66, 74 i 78 hadoŭ. Jašče kala 20 pasažyraŭ atrymali ranieńni roznaj stupieni ciažkaści.
Fota: Sumskaja abłasnaja prakuratura.