Pryčynaj pažaru ŭ kvatery stała staraja razietka, jakoj nichto nie karystaŭsia
Hety vypadak zdaryŭsia ŭ mai. U adnym z damoŭ u Minsku zdaryŭsia pažar.
Pry tušeńni pažaru ŭ adnym z pakojaŭ znajšli 79-hadovaha mužčynu, jaho špitalizavali. Ahniom paškodžana majomaść u kvatery, zakopčany ścieny pakojaŭ.
Była pryznačana sudovaja pažarna-techničnaja ekśpiertyza, paviedamlaje Dziaržkamitet sudovych ekśpiertyz.
Ekśpiert pryjšoŭ da vysnovy, što niepasrednaj pryčynaj uźniknieńnia pažaru stała razietka ŭ šafie, jakoj nichto nie karystaŭsia, a mienavita vialiki pierachodny supraciŭ abo pierahruzka pa toku.
Sudovyja ekśpierty rekamiendujuć pieryjadyčna pravodzić vonkavy ahlad razietak, što znachodziacca ŭ schavanych albo ciažkadastupnych miescach, źviartajučy ŭvahu na nastupnyja prykmiety: pach haru, apłaŭleńnie płastyka, ślady kopaci i iskry.
Zaharańnie razietki ŭ kvatery niebiaśpiečna, dadzienaja situacyja patrabuje nieadkładnaha pryniaćcia mier. U pieršuju čarhu nieabchodna abiastočyć kvateru, adklučyŭšy aŭtamatyčny vyklučalnik u elektraščycie. Zatym, kali zaharańnie nievialikaje, pryniać miery da tušeńnia z dapamohaj vohnietušyciela albo ščylnaj tkaniny, nie lić vadu na elektraŭstanoŭki pad napruhaj.
Paśla ŭ abaviazkovym paradku varta vyklikać pažarnuju słužbu i elektryka dla pravierki stanu elektrapravodki i razietak.