Pad Smalavičami adbyłosia DTZ z udziełam traktara i troch mašyn
Avaryja zdaryłasia 22 lipienia kala 8:55 ranicy, na 11-m kiłamietry darohi R-53 «Słabada — Navasady». Pra heta paviedamili ŭ pres-słužbie UUS Minskaha abłvykankama.
42-hadovaja žančyna, jakaja znachodziłasia za rulom aŭtamabila Kia Rio, urezałasia ŭ traktar Belarus 1523, jaki ruchaŭsia ŭ tym ža kirunku z pryčepam. Traktaram kiravaŭ 58-hadovy mužčyna.
Paśla sutyknieńnia mašynu Kia adkinuła na sustrečnuju pałasu, dzie jana sutyknułasia ź jašče dvuma aŭtamabilami — Mercedes-Benz, za rulom jakoha byŭ 33-hadovy žychar Barysava, i Volvo, jakim kiravaŭ 37-hadovy minčuk.
U vyniku DTZ kiroŭca Kia Rio atrymała cialesnyja paškodžańni, joj akazali miedycynskuju dapamohu.