Narkazakładčyka znajšli pa počyrku
U Homielskaj vobłaści rasśledujecca kryminalnaja sprava ŭ dačynieńni da hrupy narkazakładčykaŭ. Vyjavić adnaho sa złačyncaŭ udałosia pa počyrku.
Fota: Dziaržkamitet sudovych ekśpiertyz
Nievialiki kavałak papiery z napisanymi ad ruki kaardynatami miescaznachodžańnia «zakładki» znajšli na miescy złačynstva. Jaho pieradali ekśpiertam Homielskaha mižrajonnaha adździeła ŭpraŭleńnia Dziaržaŭnaha kamiteta sudovych ekśpiertyz pa Homielskaj vobłaści. U miežach počyrkaznaŭčaj ekśpiertyzy śpiecyjalisty paraŭnali nadpis na zapiscy z uzorami počyrkaŭ mierkavanych padazravanych pa spravie i znajšli aŭtara.
Jak patłumačyli ekśpierty-počyrkaznaŭcy, počyrk taki ž indyvidualny, jak i adbitki palcaŭ. Praviadzieńnie počyrkaznaŭčaj ekśpiertyzy — składanaja i karpatlivaja praca, a zaklučeńnie ekśpierta adyhryvaje značnuju rolu pry rasśledavańni kryminalnych spraŭ.