Znojdziena cieła 64-hadovaha mužčyny, jaki prapaŭ piać dzion tamu ŭ Barysaŭskim rajonie
Mužčyna, jaki ličyŭsia bieź viestak źnikłym u Barysaŭskim rajonie z 17 lipienia, znojdzieny biez prykmiet žyćcia. Śledčyja raskazali padrabiaznaści, piša «Minskaja praŭda».
Havorka idzie pra 64-hadovaha Mikałaja Šaviakova. Piensijanier z 17 na 18 lipienia pajšoŭ z domu ŭ nieviadomym napramku. Było viadoma, što mužčyna pieranios insulty, byli peŭnyja prablemy z pamiaćciu.
— Usie hetyja dni pravodzilisia pošukavyja mierapryjemstvy z metaj ustalavańnia jaho miescaznachodžańnia. I ŭčora viečaram, 21 lipienia, padčas pošukavych mierapryjemstvaŭ z bryhadaj MNS było ŭstanoŭlena miescaznachodžańnie zahinułaha mužčyny, — udakładniaje staršy śledčy Barysaŭskaha RASK Darja Katanovič. — Pavodle papiaredniaj infarmacyi, cieła mužčyny — biez prykmiet hvałtoŭnaj śmierci.