U pasažyrskaha Boeing 767 padčas palotu ŭ ZŠA zahareŭsia ruchavik
Incydent zdaryŭsia nieŭzabavie paśla ŭźlotu.
Momant uzharańnia. Skrynšot: LA Flights with Peter / YouTube
U ZŠA ŭ pasažyrskaha samalota Boeing 767 zahareŭsia adzin z ruchavikoŭ padčas palotu.
Samalot avijakampanii Delta Airlines, jaki nakiroŭvaŭsia 18 lipienia ŭ Atłantu, byŭ vymušany viarnucca ŭ aeraport Łos-Andželesa paśla ŭzharańnia, paviedamlaje Bi-bi-si.
Na videa vidać, jak samalot Boeing 767-400 nabiraje vyšyniu nad Łos-Andželesam, a ź levaha ruchavika vyryvajecca połymia. Samalot zatym zrabiŭ kruh i paśpiachova pryziamliŭsia na ŭźlotna-pasadačnaj pałasie.
«Rejs 446 avijakampanii Delta viarnuŭsia ŭ Łos-Andželes nieŭzabavie paśla vyletu praź niaspraŭnaść levaha ruchavika samalota», — paviedamiŭ Bi-bi-si pradstaŭnik avijakampanii.