Tramp padaŭ pazoŭ na 10 młrd dalaraŭ ab paklopie suprać Merdaka z-za publikacyi ŭ Wall Street Journal pra Epštejna
Pazoŭ padadzieny ŭ Majami, adkazčykami pa im nazvany kampanii Dow Jones, News Corp, uładalniki ŭpłyvovaj dziełavoj haziety, ich uładalnik Rupiert Merdak, i aŭtary artykuła Chadzidža Safar i Džozef Pałazała, piša Bi-bi-si.
Fota: Joe Raedle / Getty Images
U artykule havaryłasia, što na 50-hodździe piedafiła Džefry Epštejna 22 hady tamu Tramp napisaŭ jamu list nieprystojnaha źmiestu. Tramp nazyvaje hety artykuł chłuślivym i paklopnickim i kaža, što papiaredžvaŭ pra heta hazietu i jaje vydaŭca da publikacyi.
Da vybaraŭ Tramp abiacaŭ raskryć usie materyjały rasśledavańnia pa spravie Epštejna, jaki byŭ znojdzieny miortvym u turemnaj kamiery da suda ŭ 2019 hodzie.
Ale ŭ apošnija tydni jaho administracyja zajaviła, što raskryvać niama čaho, što vyklikała abureńnie i niedavier navat siarod mnohich addanych prychilnikaŭ amierykanskaha prezidenta.