Prezident Indaniezii prylataŭ da Łukašenki, kab pahavaryć pra ŭhnajeńni
Prezident Indaniezii Prabova Subijanta patłumačyŭ svoj niečakany vizit u Biełaruś 15 lipienia pieramovami ab pastaŭkach uhnajeńniaŭ, zaŭvažyła vydańnie Reform.news.
Fota: BPMI Setpres/BelTa
Pavodle paviedamleńnia pres-słužby prezidenta Indaniezii, sustreča z Alaksandram Łukašenkam prajšła ŭ rezidencyi «Aziorny», jana doŭžyłasia try hadziny i mieła, jak śćviardžajecca, niazmušanuju, siabroŭskuju atmaśfieru.
Baki abmierkavali šerah stratehičnych pytańniaŭ, u tym liku mahčymaści supracoŭnictva pamiž dźviuma krainami. Asablivaja ŭvaha była nadadziena temie handlu syravinnymi tavarami i zabieśpiačeńniu Indaniezii biełaruskimi ŭhnajeńniami.
Azijacki hość padkreśliŭ, što Biełaruś maje patrebu ŭ peŭnych tavarach ź Indaniezii, a Indaniezii, u svaju čarhu, patrebnyja ŭhnajeńni, u tym liku kalij.
U pieramovach ź indaniezijskaha boku ŭdzielničaŭ sakratar Kabinieta ministraŭ Tedzi Indra Vidžaja, a ź biełaruskaha — vice-premjer Viktar Karankievič i Siarhiej Zielankievič, pamočnik syna Łukašenki — Viktara.
Čytajcie taksama:
U Biełaruś prajezdam ź Jeŭropy zazirnuŭ prezident Indaniezii
Dźmitryja Łukašenki nie było z baćkam i bratami na adznačeńni 3 Lipienia