Mužčyna skraŭ rovar i prajechaŭ na im 130 kiłamietraŭ, kab naviedać žonku
Adrazu ŭ niekalki RUUS pastupili zajavy ad minčan, u jakich prapali darahija rovary. Ahulnaja škoda skłała bolš za 3500 rubloŭ, paviedamlaje telehram-kanał «Milicyja Minska».
Staličnyja apieratyŭniki ŭstanavili padazravanaha — 42-hadovaha zamiežnika, raniej sudzimaha za majomasnyja złačynstvy.
Vykarystoŭvajučy režučy instrumient, jon pierarazaŭ zamki i vyvoziŭ rovary. Adzin ź ich spatrebiŭsia jamu dla asablivaj pajezdki — mužčyna prajechaŭ kala 130 kiłamietraŭ, kab naviedać žonku. Tam ža i pakinuŭ skradzieny transpart.
Majomaść kanfiskavana i viernuta ŭładalnikam.
U dačynieńni da fihuranta zaviedzieny šerah kryminalnych spraŭ pa faktach kradziažoŭ.