Zatrymanaha ŭ Hruzii biełarusa aryštavali na try miesiacy
Zatrymany ŭ Departamiencie mihracyi MUS Hruzii hramadzianin Biełarusi aryštavany na try miesiacy. Rašeńnie vynies Tbiliski haradski sud 15 lipienia, paviedamiŭ «Pozirku» brescki pravaabaronca Raman Kiślak, jaki pražyvaje ŭ hetaj krainie.
Pavodle jaho słoŭ, u sud nie ŭdałosia pieradać dakumienty dla abarony biełarusa, u tym liku dakład Kamiteta AAN suprać katavańniaŭ i apošniuju spravazdaču śpiecyjalnaha dakładčyka AAN pa Biełarusi Anais Maren (u kastryčniku 2024 hoda jaje pierajemnikam staŭ Niłs Mujžnijeks).
Biełarus byŭ zatrymany 14 lipienia ŭ budynku departamienta mihracyi MUS Hruzii, kudy pryjšoŭ padać zajavu na atrymańnie prytułku.