ZŠA ŭvodziać novy vizavy zbor u $250 — cana vizy vyraście ŭdvaja
Novyja ceny vyrastuć z 1 studzienia 2026 hoda.
Fota: Pamela Smith / AP
Z 2026 hoda Złučanyja Štaty pačnuć uźnimać dadatkovy zbor u pamiery $250 za kožnuju nieimihracyjnuju vizu, uklučajučy turystyčnyja (B-1/B-2), studenckija (F/M), pracoŭnyja (H-1B) i abmiennyja vizy (J), piša Devby.io.
Novy zbor «Visa Integrity Fee» staŭ častkaj maštabnaha zakona «One Big Beautiful Bill», padpisanaha prezidentam Donaldam Trampam 4 lipienia. Vyklučeńnie składajuć tolki dypłamatyčnyja katehoryi viz A i G.
Pavodle acenak ekśpiertaŭ, ahulny košt atrymańnia turystyčnaj vizy moža vyraści da $450—470, što ŭ 2,5 raza pieravyšaje ciapierašniuju sumu.
Akramia novaha zboru, taksama pavyšajucca inšyja spadarožnyja płaciažy, uklučajučy zbor za formu I-94 ($24) i pavyšany košt ESTA ($40 zamiest raniejšych $21).