Pistoryus: Novyja Patriot nie źjaviacca va Ukrainie najbližejšym časam

Pastaŭki novych batarej sistem amierykanskaj SPA buduć praciahvacca ciaham niekalkich miesiacaŭ.

Fota Czarek Sokołowski / AP

Pastaŭki va Ukrainu novych batarej sistemy SPA Patriot «buduć doŭžycca miesiacami». Pra heta zajaviŭ ministr abarony Hiermanii Barys Pistoryus paśla sustrečy sa svaim amierykanskim kaleham Pitam Chehsetam u paniadziełak, pieradaje The Telegraph.

Bierlin prapanavaŭ nabyć dźvie amierykanskija sistemy supraćpavietranaj abarony Patriot dla pastaŭki va Ukrainu. Pistoryus zajaviŭ, što pieršaja z hetych sistem nie budzie dastaŭlena ciaham niekalkich miesiacaŭ.

Učora Donald Tramp zajaviŭ, što batarei pačnuć prybyvać va Ukrainu ciaham niekalkich dzion dla abarony jaje haradoŭ ad rasijskich bambardavańniaŭ. Pistoryus admoviŭsia kamientavać, ci abmiarkoŭvaŭ jon ź ministram abarony ZŠA pytańnie pastaŭki nastupalnaj zbroi va Ukrainu.

Kamientary da artykuła