Na Homielščynie ŭnačy źbili nieviadomy dron
Reštki drona ŭpali ŭ rajonie Ziabraŭki.
U Homielskim rajonie ŭ noč na 12 lipienia byŭ źbity nieviadomy bieśpiłotnik, paviedamlaje «Fłahštok».
Reštki drona ŭpali ŭ rajonie Ziabraŭki kala hadziny nočy. Chto mienavita i jakim sposabam źbiŭ aparat — nieviadoma.
Ukrainskija manitorynhavyja kanały pierad hetym nie paviedamlali pra ŭvarvańnie dronaŭ u pavietranuju prastoru Biełarusi. Heta moža śviedčyć pra toje, što byŭ źbity małaprykmietny dla ŭkrainskich radaraŭ bieśpiłotnik — naprykład, rasijskaja «Hierbiera».
Za dzień da hetaha, pozna ŭviečary 11 lipienia ŭ Rečyckim rajonie biełaruski źniščalnik sprabavaŭ źbić dron, padobny da rasijskaha šachieda.
Ludzi z roznych rajonaŭ publikavali taksama videa z rasijskimi dronami, što zalacieli ŭ Biełaruś.