U Minsku kupili dom za 3 miljony dalaraŭ. Jon u tym rajonie, dzie žyvie Ejsmant

U «Alimpik parku» ŭ Minsku ŭ červieni kupili dom bolš čym za 3 miljony dalaraŭ. Heta samym darahi dom, pradadzieny ŭ Biełarusi ŭ minułym miesiacy i naohuł z pačatku hoda.

Fota: olympicpark2.by

Dom znachodzicca ŭ katedžnaj zabudovie ŽK «Alimpik Park» kala zakaźnika Lebiadziny.

Heta cahlany katedž 2020 hoda. Płošča — 652 kvadraty. Jaho pradali za 3,02 miljona dalaraŭ. Cana za mietr — bolšaja za 4,6 tysiačy dalaraŭ.

Katedžy ŭ «Alimpik parku» rehularna traplajuć u top samych darahich damoŭ Biełarusi. Mahčyma, ciapierašni dom pradavaŭsia z ramontam i meblaj, bo raniej ceny pradadzienych katedžaŭ byli kala miljona dalaraŭ.

Kvatery ŭ tym rajonie taksama darahija. U 2024 hodzie samym darahim žyllom u Minsku stali apartamienty płoščaj 153 kvadratnyja mietry na Ratamskaja, 32 jakraz u ŽK «Alimpik park». Jany kaštavali $900 tysiač. U tym domie, darečy, žyvie Natalla Ejsmant, pres-sakratarka Alaksandra Łukašenki.

Kamientary da artykuła