Prypynili licenziju strachavoj kampanii «Kientaŭr»
Ministerstva finansaŭ Biełarusi prypyniła licenziju strachavoj kampanii «Kientaŭr» terminam na paŭhoda — z 9 lipienia 2025 hoda da 9 studzienia 2026-ha. Padčas dziejańnia hetaha abmiežavańnia firma, praŭda, usio jašče zmoža prymać čarhovyja častki strachavych unioskaŭ i vykonvać abaviazki pa ŭžo dziejnych damovach.
Pryčyna prypynieńnia — nievykanańnie patrabavańniaŭ da minimalnaha statutnaha fondu, jaki ŭ 2025 hodzie składaje 14,7 miljona rubloŭ (heta 350 tysiač bazavych vieličyń). Na kastryčnik 2024 hoda statutny kapitał «Kientaŭra» składaŭ tolki 13,3 miljona rubloŭ.
«Kientaŭr» — adna z najstarejšych strachavych arhanizacyj u Biełarusi: jon stvorany jašče ŭ 1991 hodzie ŭ Žodzinie. Ciapier 76,8% akcyj naležać łatvijskaj firmie ALDI Projects AS.
Čytajcie taksama:
Staŭ viadomy sens kryminalnaj «spravy strachaŭščykoŭ»
Aryštavanyja dyrektary strachavych kampanij TASK i «Pramtransinviest»