Mužčyna kasiŭ travu, i jaho trojčy ŭkusiła hadziuka
U Hrodzienskaj vobłaści zafiksavanyja dva vypadki ŭkusaŭ hadziuki.
Fota: Onliner.by
Haradziencu jana sustrełasia na šlachu padčas kašeńnia travy na leciščy. Pry ahladzie miedyki vyjavili na nazie paciarpiełaha try miescy ŭkusu, paviedamlaje kamitet achovy zdaroŭja Hrodzienskaha abłvykankama.
Dla praduchileńnia ciažkich nastupstvaŭ, pacyjentu ŭ umovach reanimacyi ŭviedziena śpiecyjalnaja syrovatka, antycieły ŭ jakoj niejtralizujuć jad, što trapiŭ u arhanizm.
Było pryznačana simptamatyčnaje lačeńnie, skiravanaje na palahčeńnie stanu.
Sutki pacyjent znachodziŭsia pad nahladam daktaroŭ adździaleńnia reanimacyi, zatym pieraviedzieny ŭ adździaleńnie taksikałohii.
Uviadzieńnie syrovatki suprać jadu hadziuki było pryznačana žycharcy Ščučynskaha rajona, jakaja taksama paciarpieła ad ukusu.
Zahadčyca pryjomnaha adździaleńnia BCHMD Natalla Uškievič rekamienduje abaviazkova źviartacca pa miedycynskuju dapamohu ŭ najkaraciejšyja terminy, kab doktar zmoh acanić stan i, pry nieabchodnaści, uvieści syrovatku.