Sabalenka stanie druhoj u historyi tenisistkaj, jakaja nabrała bolš za 12 000 rejtynhavych bałaŭ

Biełaruskaja spartsmienka, jakaja zajmaje pieršy radok u suśvietnym rejtynhu WTA, harantavała sabie jak minimum 12 070 bałaŭ pa vynikach Uimbłdonskaha turniru — navat kali prajhraje ŭ čverćfinale niemcy Łaury Zihiemund.

Aryna Sabalenka. Fota: Robert Prange/Getty Images

Raniej hetuju miažu pieraadolvała tolki amierykanka Sierena Uiljams, jakaja ŭ 2013 hodzie mieła 13 615 bałaŭ.

Kali ž Sabalenka pieramoža na turniry, to jaje kolkaść bałaŭ vyraście da 13 640, i heta stanie novym rekordam u historyi WTA.

Arynie Sabalenka 27 hadoŭ. Jana ŭžo trojčy vyjhravała turniry sieryi Vialikaha šlema, a lepšymi vynikami na Uimbłdonie byli vychady ŭ paŭfinał u 2021 i 2023 hadach.

Sioleta Uimbłdon prachodzić z 30 červienia pa 12 lipienia, i ŭ im biaruć udzieł 128 tenisistak. Ahulny pryzavy fond — bolš za 53 miljony funtaŭ sterlinhaŭ.

Kamientary da artykuła