Baranavicki zavod aŭtamatyčnych linij stanie navukova-technałahičnym parkam
Baranavicki zavod aŭtamatyčnych linij stanie novym subjektam inavacyjnaj infrastruktury Biełarusi, piša BIEŁTA.
Fota: DKNT
Baranavicki zavod aŭtamatyčnych linij budzie pracavać u jakaści navukova-technałahičnaha parka. Takoje rašeńnie pryniata na kalehii Dziaržaŭnaha kamiteta pa navucy i technałohijach.
Novy technapark, stvorany na bazie pradpryjemstva, zasiarodzicca na navukova-daśledčych i daśledna-kanstruktarskich rabotach i pavinien zabiaśpiečyć pieradavymi raspracoŭkami pramysłovyja pradpryjemstvy krainy.
U mai 2025 hoda na bazie BZAŁ było adkryta sumiesnaja biełaruska-kitajskaja vytvorčaść chaładzilnaha abstalavańnia. Abjom inviestycyj u prajekt skłaŭ 30,5 miljonaŭ dołaraŭ ZŠA. Było stvorana kala 800 vysokapradukcyjnych pracoŭnych miescaŭ.
Pavodle infarmacyi staršyni Bresckaha abłvykankama Piatra Parchomčyka, płanujecca pačać vytvorčaść z 5 000 chaładzilnikaŭ: «Płanujem u nastupnym hodzie pačać vytvorčaść ź piaci tysiač, a da kanca hoda vyjści na 10 tysiač chaładzilnikaŭ. I davodzim prajektnuju mahutnaść ad adnaho miljona chaładzilnikaŭ», — skazaŭ jon.
Sa źjaŭleńniem Baranavickaha zavoda ŭ rejestry subjektaŭ inavacyjnaj infrastruktury ich ahulnaja kolkaść u Biełarusi dasiahnuła 21: 15 technaparkaŭ i 6 centraŭ tranśfieru technałohij.