Stała viadoma pra vyzvaleńnie palitźniavolenaj mastački-animatarki Volhi Rybinaj
Jana vyjšła na svabodu pa pamiłavańni ŭ śniežni 2024 hoda.
Volha Rybina
Volha Rybina — mastačka-animatarka. Volzie 51 hod. Jana rodam ź Vilejki, skončyła Respublikanskuju škołu-internat pa muzycy i vyjaŭlenčym mastactvie, a paśla Biełaruskuju dziaržaŭnuju akademiju mastactvaŭ.
Rybina ŭdzielničała ŭ stvareńni multsieryjała «Hara samaćvietaŭ», była režysioram animacyjnaha almanacha «Dla samych maleńkich», mastakom-pastanoŭščykam almanacha «Kazki staroha pijanina».
Jana i ciapier zajmajecca animacyjaj — stvaraje proma dla biznesu, zdymaje roliki dla sacsietak.
Aproč taho, Volha zachaplajecca čajnymi cyrymonijami, udzielničała ŭ fiestyvalach.
Volha Rybina była aryštavanaja 6 maja 2023 hoda. Jaje abvinavacili ŭ «finansavańni dziejnaści ekstremisckaha farmavańnia».
Rybinaj prysudzili try hady kałonii. Ahułam u źniavoleńni žančyna praviała paŭtara hoda.
Jak stała viadoma, Volhu vyzvalili pa pamiłavańni ŭ druhoj pałovie 2024 hoda. Jak miarkuje Belarus Women's Foundation, heta adbyłosia 9 śniežnia 2024 hoda.