Hiermanija straciła pieršaje miesca ŭ Jeŭrasajuzie pa papularnaści siarod biežancaŭ
Achvotnych zastacca ŭ Ispanii i Francyi ciapier bolš.
Bulvar Unter-den-Linden u Bierlinie — adna z najbolš znakamitych vulic u śviecie. Fota: Wikimedia commons
Kolkaść zapytaŭ na pradastaŭleńnie prytułku ŭ Hiermanii za studzień-červień 2025 hoda skłała 65 495. Takija dadzienyja ŭtrymlivajucca ŭ kanfidencyjnaj spravazdačy Jeŭrakamisii, pra jakuju paviedamlaje hazieta Welt.
Ciapier Hiermanija zajmaje treciaje miesca siarod jeŭrapiejskich krain pa kolkaści chadajnictvaŭ ab pradastaŭleńni prytułku, sastupajučy Ispanii (76 020) i Francyi (75 428).
Samyja nizkija pakazčyki zarehistravanyja ŭ Vienhryi (47), Słavakii (84) i Litvie (152).
Ahulnaja kolkaść tych, chto prosić prytułku ŭ Jeŭrapiejskim Sajuzie, a taksama ŭ Narviehii i Šviejcaryi, skłała 388 299 čałaviek za pieršaje paŭhodździe. Siarod ich bolšaja častka prybyła ź Vieniesueły (48 413), Afhanistana (41 127) i Siryi (23 307).