La bierahoŭ Bali zatanuŭ parom, 43 čałavieki źnikli bieź viestak
Ratavalniki ŭ čaćvier šukali 43 čałavieki, jakija źnikli ŭ burnym mory paśla taho, jak parom, jaki pieravoziŭ 65 čałaviek, zatanuŭ pablizu kurortnaha vostrava Bali ŭ Indaniezii.
Fota: BASARNAS vía AP
Parom zatanuŭ amal praź niekalki hadzin paśla adpłyćcia z porta Kietapanh va Uschodniaj Javie. Jon nakiroŭvaŭsia ŭ port Hilimanuk na Bali, adlehłaść da jakoha 50 kiłamietraŭ, piša AP.
Na paromie znachodziłasia 53 pasažyry, 12 členaŭ ekipažu i 22 transpartnyja srodki, uklučajučy 14 hruzavikoŭ.
Byli znojdzienyja dva cieły, a 20 čałaviek vyratavany, mnohija ź ich byli biez prytomnaści paśla taho, jak na praciahu niekalkich hadzin drejfavali ŭ burnych vodach.
Ź viečara sierady dzieviać łodak, u tym liku dva buksiry i dźvie nadzimanyja łodki, šukajuć źnikłych ludziej, zmahajučysia z chvalami vyšynioj da 2 mietraŭ u ciemry.