Biełaruski komik źniaŭsia ŭ sieryjale z zorkaj «Zvyšnaturalnaha». U kadry i Minsk — jak jaho bačać amierykanskija kinošniki

Stendapier Dźmitryj Saŭjan nie pieršy hod žyvie ŭ Polščy i navat amal skaryŭ polski adbor pierad letašnim Jeŭrabačańniem. A niadaŭna biełarus trapiŭ u bujny amierykanski sieryjał z Džensanam Ekłzam, zorkaj kultavaha prajekta «Zvyšnaturalnaje» (Supernatural).

Dźmitryj Saŭjan u «Zvarotnym adliku»

Ciapierašni sieryjał, u jaki trapiŭ Saŭjan, maje nazvu Countdown («Zvarotny adlik»). Heta prajekt bujnoha stryminhavaha siervisa Amazon Prime Video.

Sieryjał pačynajecca z taho, što prosta na vulicy zabivajuć aficera amierykanskaha ministerstva ŭnutranaj biaśpieki. Rasśledavać złačynstva musić tajemnaja apieratyŭnaja hrupa, da jakoj dałučajuć detektyva palicyi Łos-Andželesa Marka Mičuma (Ekłz).

Ale ŭ druhoj sieryi my daviedvajemsia, što hetaja historyja maje bahata suviaziej ź Biełaruśsiu. Paralelna ź dziejnaściu amierykanskich apieratyŭnikaŭ nam pakazvajuć kadry ź Minska 2008 hoda, jakim jaho ŭjaŭlajuć kinošniki z ZŠA.

Skryn: «Zvarotny adlik» / Amazon Prime Video

Skryn: «Zvarotny adlik» / Amazon Prime Video

Tam i źjaŭlajecca Saŭjan. Jon hraje biełarusa, jaki źviazaŭsia ź niebiaśpiečnymi ludźmi i pavinien im hrošy. Anton — tak zavuć hieroja — šukaje vyratavańnie ŭ svajho brata.

Pryjemny siurpryz — u aryhinalnaj ahučcy hieroj Saŭjana, jak i jaho brat, hutarać pa-biełarusku.

Na hetym, adnak, pryjemnaje skančvajecca, bo Countdown atrymaŭ vielmi źmiešanyja vodhuki. Na płatformie IMDb sieryjał maje rejtynh 7/10, a voś na nie mienš viadomym resursie Rotten Tomatoes vynik mienš pryjemny — usiaho 31% rejtynhu pa vodhukach krytykaŭ.

Kamientary da artykuła