Ukrainskija bieśpiłotniki ŭdaryli pa zavodzie ŭ Ižeŭsku, dzie vyrablajuć «Tory». Jość zabityja i paranienyja
Drony atakavali pradpryjemstva ŭ Ižeŭsku, heta prykładna 1300 km ad Ukrainy. Jość paciarpiełyja.
«Adno z pradpryjemstvaŭ papała pad ataku bieśpiłotnikaŭ, jość paciarpiełyja», — paviedamiŭ kiraŭnik Udmurtyi Alaksandr Brečałaŭ.
U sacsietkach žychary Ižeŭska pišuć pra sieryju hučnych vybuchaŭ u rajonie Ižeŭskaha elektramiechaničnaha zavoda «Kupał». Hety zavod vyrablaje zienitna-rakietnyja kompleksy «Tor» i inšaje abstalavańnie dla rasijskaj armii.
Krynica telehram-kanała MNS, na jaki spasyłajecca RTVi, paviedamiła pra čatyroch zahinułych i 17 paciarpiełych padčas udaru. Aficyjnyja rasijskija ŚMI paviedamlajuć pra traich zabitych i 20 paranienych.
Heta nie pieršy raz, kali ŭkrainski bieśpiłotnik dasiahnuŭ Ižeŭska. Upieršyniu pra heta paviedamlali 17 listapada 2024 hoda. Tady taksama byŭ naniesieny ŭdar pa zavodzie «Kupał».
Ižeŭsk — stalicy Udmurtyi, u jakoj kałanisty pieratvaryli karennaje nasielnictva ŭ mienšaść. Tam raźmieščanyja znakamity kancern «Kałašnikaŭ», pradpryjemstva «Ižeŭskija bieśpiłotnyja sistemy» dy inšyja zavody VPK.