U Šumilinskim rajonie mužčyna z reŭnaści padpaliŭ čužy dom, tam zahinuŭ čałaviek
25 červienia kampanija adpačyvała ŭ domie žychara vioski Pieramoha, dzie vypivała. Unačy častka haściej razyšłasia pa damach, paviedamlaje SK.
Praź niekatory čas 52-hadovy žychar susiedniaj vioski pračnuŭsia i zaŭvažyŭ adsutnaść svajoj sužycielki. Pryreŭnavaŭšy žančynu da adnaho z udzielnikaŭ zastolla, mužčyna pryjšoŭ da doma, dzie raniej užyvaŭ śpirtnoje, i padpaliŭ na vierandzie abrus.
Achopleny połymiem dom zaŭvažyli padletki. Jany i patelefanavali ŭ MNS. U domie žančyny nie akazałasia. Ratavalniki vyratavali haspadara doma i dastali cieła zahinułaha hościa.