Tankier z naftaj vybuchnuŭ kala bierahoŭ Livii paśla zachodu ŭ rasijskija party
27 červienia kala bierahoŭ Livii adbyŭsia vybuch na naftavym tankiery Vilamoura, jaki pieravoziŭ kala 1 miljona barelaŭ nafty. Sudna pad ściaham Maršałavych Astravoŭ nakiroŭvałasia ź livijskaha porta Zuejcina ŭ Hibrałtar
Epicentr vybuchu znachodziŭsia ŭ mašynnym adździaleńni. Nichto z členaŭ ekipaža nie paciarpieŭ, paviedamleńniaŭ pra zabrudžvańnie navakolnaha asiarodździa nie pastupała. Pryčyna zdareńnia nieviadomaja, a sam tankier ciapier buksirujuć u Hrecyju, dzie budzie acenieny charaktar paškodžańniaŭ.
Jak adznačaje Bloomberg, u krasaviku i mai sudna Vilamoura dvojčy zachodziła ŭ rasijskija party dla zahruzki kazachstanskaj nafty.
Pavodle źviestak kansałtynhavaj kampanii Vanguard Tech, z pačatku hoda vybuchi paśla zachodu ŭ rasijskija party adbylisia jašče na čatyroch sudnach. Z-za hetaha ŭładalniki pačali praviarać abšyŭku karabloŭ na najaŭnaść min z dapamohaj vadałazaŭ.
Čytajcie taksama:
U Amanskim zalivie zahareŭsia rasijski tankier
Panama ŭvodzić novyja abmiežavańni dla «cieniavoha fłotu» Rasii
Rasija pačała supravadžać svaje tankiery ŭ Bałtyjskim mory vajskovymi karablami i samalotami
U Italii na tankiery, jaki adnosiać da rasijskaha cieniavoha fłotu, adbylisia vybuchi