Stan afhanskaha chłopčyka, jakoha biełarus kinuŭ na padłohu ŭ aeraporcie Šaramiećcieva, palepšyŭsia
Dvuchhadovaha chłopčyka vyvieli z komy, jon pačaŭ samastojna dychać biez aparata ŠVŁ, paviedamlaje telehram-kanał Shot. Ciapier dzicia ŭ prytomnaści, choć usio jašče i znachodzicca ŭ reanimacyi.
Pa słovach krynicy kanała, dynamika chłopčyka stanoŭčaja i, mahčyma, chutka jaho pieraviaduć u zvyčajnuju pałatu. Napieradzie — reabilitacyja, jakaja moža zaniać niekalki miesiacaŭ.
Incydent adbyŭsia 24 červienia ŭ maskoŭskim aeraporcie «Šaramiećcieva». Mužčyna raptoŭna schapiŭ nieznajomaha dvuchhadovaha chłopčyka, jaki stajaŭ pobač, i z razmachu kinuŭ jaho na padłohu.
Napadnikom akazaŭsia 31-hadovy hramadzianin Biełarusi Uładzimir Vicikaŭ. Jak vyśvietliłasia, pierad vyletam jon užyŭ hašyš u Kairy, a ŭ Duty Free vypiŭ try butelki viski. Akramia taho, u jaho vyjavili šyzafreniju.
Biełarusu pradjaŭlena abvinavačvańnie ŭ zamachu na zabojstva małaletniaha. Jamu pahražaje da 15 hadoŭ pazbaŭleńnia voli.
Čytajcie taksama:
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie
U biełarusa, jaki pakalečyŭ paŭtarahadovaha chłopčyka ŭ maskoŭskim aeraporcie, vyjavili šyzafreniju