ES praciahnuŭ ekanamičnyja sankcyi suprać Rasii jašče na paŭhoda
ES praciahnuŭ ekanamičnyja sankcyi suprać Rasii jašče na paŭhoda. Sankcyi padoŭžyli da 31 studzienia 2026 hoda, paviedamlajecca na sajcie Rady Jeŭropy.
Fota: AP
Sankcyi byli ŭviedzieny ŭ 2014 hodzie, a z pačatku poŭnamaštabnaha ŭvarvańnia Rasii va Ukrainu 24 lutaha 2022 hoda Jeŭrasajuz pryniaŭ 17 novych sankcyjnych pakietaŭ.
Jeŭrapiejskaja kamisija prapanavała 18‑y pakiet 10 lipienia, adnak pakul što jon nie byŭ pryniaty, pakolki Słavakija nie padtrymała prapanavanyja miery.
Va ŭradzie Hiermanii raźličvajuć, što novy pakiet udasca pryniać na hetym tydni, pieradaje Reuters.
«Hetaje pytańnie budzie padniata na ŭzroŭni pasłoŭ i znoŭ razhledžana paśla taho, jak [Jeŭrapiejskaja] kamisija naviedaje Słavakiju paźniej na hetym tydni», — pryvodzić ahienctva słovy pradstaŭnika niamieckaha ŭrada.