Siłaviki zatrymali lidara hurta «Pałac» Aleha Chamienku
Abstaviny vyśviatlajucca.
Fota: Onliner.by
Zatrymany lidar biełaruskaj hrupy «Pałac» Aleh Chamienka. Pra heta paviedamiŭ 30 červienia žurnalist Kanstancin Kavieryn u efiry šou «Obyčnoje utro».
«Ź ziamli paviedamlajuć, što nibyta zatrymany lidar hurta «Pałac» Aleh Chamienka. Pryčym užo niekalki dzion tamu. Što adbyvajecca — vielmi składana zrazumieć», — skazaŭ Kavieryn.
Zatrymańnie Chamienki paćvierdziła «Lusterku» krynica, a taksama krynicy «Našaj Nivy». Viadoma, što jaho zatrymali tydzień tamu.
Inšyja abstaviny nieviadomyja.
Aleh Chamienka — muzyka, radyjoviadučy, vykładčyk, kampazitar, kulturtrehier, pradziusar. Lidar fołk-madern hurta «Pałac». U składzie muzyčnaha kalektyvu zdymaŭsia ŭ mastackim filmie «Anastasija Słuckaja».