Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach
Vadzim Žukoŭski — jak minimum piaty supracoŭnik pradpryjemstva, jakoha aryštavali paśla abłavy KDB na pradpryjemstva.
Vadzim Žukoŭski. Kałaž «Našaj Nivy»
Vadzimu Žukoŭskamu 37 hadoŭ. Pa źviestkach Digital Intelligence Team, jon minčuk. Advučyŭsia na fakultecie telekamunikacyj u Biełarusim dziaržaŭnym univiersitecie infarmatyki i radyjoelektroniki.
Vadzim Žukoŭski doŭhi čas pracavaŭ inžynieram-kanstruktaram na «Pielenhu» — u 20-m upraŭleńni, na siektary supravadžeńnia elektronnych sistemaŭ. Jon razam z kalehami robić u tym liku techniku dla rasijskich vajskoŭcaŭ, naprykład, pryceły dla tankaŭ.
Žukoŭskaha aryštavali i pasadzili ŭ SIZA adrazu paśla abłavy KDB na pradpryjemstva, jakaja adbyłasia ŭletku 2024 hoda. Mužčynu asudzili ŭ Minskim haradskim sudzie pa dvuch artykułach Kryminalnaha kodeksa — «raspalvańnie varožaści abo varažniečy» (č. 1 art. 130 KK) i «zakliki da dziejańniaŭ, jakija prynosiać škodu Biełarusi» (č. 3 art. 361 KK).
Žukoŭskamu pahražała da 12 hadoŭ kałonii pa 361-m artykule. Prysud i sutnaść abvinavačańnia nieviadomyja.
Abłava na supracoŭnikaŭ Pielenh pačałasia ŭletku 2024 hoda. Jana źviazanaja sa źlivam dakumientaŭ pradpryjemstva, jakija datyčylisia abychodu sankcyjaŭ. Byli zvolnienyja dziasiatki ludziej, jak minimum piać byli asudžanyja pa palityčnych artykułach — za ŭdzieł u pratestach i «zakliki da pryčynieńnia škody Biełarusi».
Čytajcie taksama:
Jašče adnu supracoŭnicu «Pielenha» sudziać za «zakliki da pryčynieńnia škody Biełarusi»
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku