Na biełaruskaj miažy zatrymali hruz hašyšu, zamaskavanaha pad hrušavaje piure
Biełaruskija mytniki spynili sprobu ŭvieźci ź Jeŭropy ŭ Biełaruś bujnuju partyju hašyšu — kala 100 kiłahramaŭ. Narkotyki byli schavanyja ŭ hruzaviku ź fiktyŭnym hruzam «kancentravanaje hrušavoje piure» z etykietkaj Coca-Cola.
Jak paviedamlaje Dziaržaŭny mytny kamitet, narkotyki byli rasfasavanyja ŭ 180 vakuumnych pakietaŭ i schavanyja ŭ patajemnaj častcy padłohi aŭtamabila, jaki naležyć litoŭskamu pieravozčyku. Złačynnuju schiemu arhanizavali hramadzianie Litvy i Biełarusi, jakija dziejničali pa papiaredniaj zmovie.
Padazrony hruz vyjavili hrodzienskija mytniki ŭ punkcie propusku «Kamienny Łoh» z dapamohaj inśpiekcyjna-dahladnaha kompleksu. Paśla pravierki z dapamohaj skaniera było ŭstanoŭlena, što ŭ mašynie, akramia piure, znachodzicca jašče niešta.
Ekśpiertyza paćvierdziła: znojdzienaje rečyva — hašyš.
Užo ŭstanoŭlenyja asoby dvuch litoŭcaŭ — arhanizataraŭ złačynnaj hrupy. Taksama zatrymanyja niekalki biełarusaŭ, jakija ciapier znachodziacca pad vartaj.
Hrodzienskaja rehijanalnaja mytnia raspačała kryminalnuju spravu pa artykule 328-1, č. 2 Kryminalnaha kodeksa Biełarusi. Pakarańnie za takoje złačynstva — da 10 hadoŭ pazbaŭleńnia voli.
Čytajcie taksama:
U Minsku zatrymali zamiežnaha chip-chop vykanaŭcu, jaki byŭ i narkahandlarom
Mužčyna sprabavaŭ pravieźci hašyš u ciahniku. Jaho ŭniuchaŭ słužbovy sabaka
Łatvijca zatrymali na miažy z hašyšnym masłam
Francuzski turyst zavoziŭ u Biełaruś hašyš u škarpetcy
Mužčyna ŭvoziŭ u Biełaruś žujki z hašyšam. Klaniecca, što atrymaŭ ich zamiest rešty