Zvyčajny pačak biełaruskaha masła pad ultrafijaletam pakazaŭ schavanyja tajamnicy
«Nie viedaŭ — kruta!» — tak adreahavaŭ žychar Bresta, kali vypadkova pabačyŭ schavanyja nadpisy na ŭpakoŭcy masła «Briest-Litovsk», piša Telegraf.news.
Čałaviek paśviaciŭ na pačak u ciemry zvyčajnym ultrafijaletavym lichtarykam — i na jaho pavierchni źjavilisia jarkija nadpisy z nazvaj brenda, jakich nie vidać pry zvyčajnym śviatle.
Videa trapiła ŭ tyktok i vyklikała sapraŭdny ažyjataž: karystalniki kinulisia praviarać svaje pački masła. Niekatoryja ździvilisia, a inšyja pažartavali, što «na dalarach i toje mienš achoŭnych znakaŭ». Niechta ŭžo navat hatovy chadzić u kramu ź lichtarykam, kab šukać schavanyja mietki na inšych tavarach.
Aŭtar rolika adznačyŭ: «Navat na takich zvyčajnych praduktach jość ultrafijaletavyja mietki — nie čakaŭ!»
U kamientarach karystalniki taksama ŭzhadali, što padobnyja schavanyja znaki jość na biełaruskich pašpartach i pravach kiroŭcy. Adzin čałaviek zaŭvažyŭ, što nadpisy na ŭpakoŭcy vidać i biez ultrafijaletu, kali troški paviarnuć pačak, ale hetaha, jak vidać, raniej nichto asabliva nie zaŭvažaŭ.
Čytajcie taksama:
«Ciapier tolki ź lichtarykam kala kasy». Biełarus prydumaŭ, jak nikoli nie kuplać «kiepskija» dalary
Šałupińnie ad čyrvonaj cybuli stała abaronnym słojem dla soniečnych batarej
Pahladzicie, jak prykolna vyhladaje biełaruski pašpart pad ultrafijaletam