U Vałožynskim rajonie zhareła lecišča, zroblenaje z čyhunačnaj cysterny
U sadovym tavarystvie «Viasiołka-2015» viečaram 26 červienia zaharełasia lecišča, jakoje haspadary zrabili ź mietaličnaj čyhunačnaj cysterny. Da žylla było padviedziena elektryčnaść, i mienavita niaspraŭnaja elektrapravodka mahła stać pryčynaj pažaru, piša kraj.by.
U vyniku ahniom paškodžana majomaść na ŭsioj płoščy dačy.
Pryčyna zdareńnia vyśviatlajecca. Asnoŭnaja viersija — parušeńnie praviłaŭ ekspłuatacyi elektrasietak i elektraabstalavańnia, a mienavita karotkaje zamykańnie elektryčnaj pravodki.
— Važna nie vykarystoŭvać staryja kabieli z paškodžanaj izalacyjaj, svoječasova ich zamianiać. Pierš čym vykonvać raboty pa zamienie elektrapravodki, jaje nieabchodna abiastočyć. Kab nie dapuścić karotkaha zamykańnia, u sietcy treba ŭstalavać achoŭnyja pryłady. Svoječasova mianiajcie vyklučalniki i razietki, što majuć patreskanyja karpusy. Nie karystajciesia elektrapryborami, jakija iskrać padčas pracy. Bieražycie siabie i svaju majomaść, — kažuć u MNS.