17-hadovy syn Ramzana Kadyrava ženicca
Načalnik adździeła biaśpieki kiraŭnika Čačni i sakratar Rady biaśpieki respubliki Adam Kadyraŭ siońnia syhraje viasielle. Pra žanićbu brata raspaviała Ajšat Kadyrava ŭ sacsietkach, paviedamlajuć rasijskija ŚMI.
Pavodle jaje źviestak, viasielle 17-hadovaha syna kiraŭnika Čačni Ramzana Kadyrava adbudziecca siońnia, 28 červienia. Adznačajecca, što ŭračystaść projdzie ŭ baćkoŭskim domie ŭ rodnym siale. Ajšat Kadyrava ŭdakładniła, što kadraŭ ź viasiella ad jaje nie budzie. Pavodle słoŭ siastry žanicha, brać u ruki kamieru nie budzie kali.
Pieršapačatkova Ajšat Kadyrava nie raskryvała asoby niaviesty. Adnak paźniej apublikavała post, u jakim raspaviała pra budučuju žonku Adama Kadyrava. Pavodle jaje słoŭ, siamja kiraŭnika Čačni daŭno znajomaja ź niaviestaj. Jana naradziłasia ŭ tym ža nasielenym punkcie, što i Kadyravy. Niaviestu zavuć Miedni.
U kancy viasny, 13 maja, Adama Kadyrava ŭznaharodzili miedalom AMAP. Jaho ŭručyli ŭ honar jubileju padraździaleńnia.
Miesiacam raniej, 23 krasavika, Adam Kadyraŭ staŭ sakratarom Rady biaśpieki Čačni.
Čytajcie taksama:
Kadyraŭ rychtuje pieradaču ŭłady
Adam Kadyraŭ staŭ sakratarom Rady biaśpieki Čačni. Heta šostaja pasada 17-hadovaha padletka