Anna Vintur pakidaje pasadu hałoŭnaha redaktara amierykanskaha Vogue
Ličycca, što mienavita jana viarnuła Vogue papularnaść i zrabiła jaho adnym ź viadučych vydańniaŭ u śviecie mody.
Fota: Evan Agostini/Invision/AP
Brytanskaja žurnalistka Anna Vintur pakidaje pasadu hałoŭnaha redaktara amierykanskaha Vogue, jakuju jana zajmała 37 hadoŭ, paviedamiŭ Vydaviecki dom Condé Nast.
U zajavie Condé Nast skazana, što Vintur zachavaje inšyja svaje pazicyi — hłabalnaha redakcyjnaha dyrektara Vogue, jaki kuryruje mižnarodny kirunak brenda, a taksama hałoŭnaha kantent-dyrektara vydaviectva Condé Nast. Na hetaj pasadzie jana adkazvaje taksama za časopisy Wired, Vanity Fair, GQ, Glamour i Bon Appetit, piša Bi-bi-si.
«Pryznačeńnie novaha hałoŭnaha redaktara Vogue dazvolić Vintur raŭnamierniej raźmiarkoŭvać uvahu pamiž usimi rynkami, u dadatak da kiraŭnictva usimi vydańniami Condé Nast (za vyklučeńniem the New Yorker)», — tłumačyć Condé Nast.
Vintur 75 hadoŭ, jana adna z samych upłyvovych fihur u śviecie sučasnaj mody. Žurnalistka ŭznačalvaje Vogue daŭžej, čym luby hałoŭny redaktar u historyi časopisa.
Ličycca, što mienavita Vintur pasłužyła pratatypam dla hieraini aktrysy Merył Stryp Mirandy Prystli ŭ halivudskim filmie 2006 hoda «Djabał nosić Prada».
U 2017 hodzie karaleva Lizavieta II dała joj tytuł damy za pracu ŭ halinie mody.
Vintur vyrasła ŭ Łondanie i da taho, jak uznačalić amierykanski Vogue ŭ 1988 hodzie, stała hałoŭnym redaktaram brytanskaha vydańnia časopisa.
Ličycca, što mienavita jana viarnuła Vogue papularnaść i zrabiła jaho adnym ź viadučych vydańniaŭ u śviecie mody. Jana značna pamianiała abličča časopisa, publikavała ŭ im zdymki mienš viadomych madelaŭ i nie bajałasia spałučeńnia niedarahoha adzieńnia sa stylem ad kuciur.
Jana taksama pravodziła štohadovyja dabračynnyja bały Met Gala, jakija prachodziać u Ńju-Jorku z 1995 hoda.
U hetym hodzie brytanski karol Karł spytaŭ Annu Vintur, ci maje namier jana syści z pracy, na što, jak raspaviała sama žurnalistka, jana adkazała: «Viadoma ž, nie!»